ՈՒժեղացնում ենք երիտասարդներին, Հզորացնում համայնքներ
ԵՄՔԱ-ն աշխարհի ամենահին ու ամենամեծ երիտասարդական կազմակերպությունն է
ԵՄՔԱ-ների Հայկական Ազգային Միությունը՝ Հայաստանի ԵՄՔԱ-ն, Հայաստանում գործող ԵՄՔԱ կառույցներին աջակցող, դրանց միավորող և միջազգային հարթակներում Հայկական շարժումը ներկայացնող կազմակերպություն է:
Յուրաքանչյուր ոք պետք է հավասար հնարավորություն ունենա բացահայտելու, թե ով է ինքը և ինչ կարող է դառնալ:
Մեր ծրագրերն ու ծառայությունները կենտրոնացած են մեր առաքելության հիմնական ոլորտների վրա, որոնք օգնում են երիտասարդներին հասնել իրենց նպատակներին և միևնույն ժամանակ ամրապնդել համայնքները: Մեր առաջարկներից դուք կարող եք գտնել ձեզ անհրաժեշտ աջակցությունը, ինչպես նաև ներգրավվել՝ օգնելով ինքներդ ձեզ և ձեր շրջապատին ավելի կատարյալ լինելու համար:
Երիտասարդների ու պատանիների զարգացում
Մենք օգնում ենք երիտասարդներին ու պատանիներին դառնալ առողջ, բարգավաճ մեծահասակներ, առաջարկելով աջակցություն իրնեց կրթությանը, անհատական որակների, հմտությունների, առաջնորդության զարգացմանը, թիմային սպորտաձևեր և ճամբարներ:
Անկախ նրանից, թե ով եք, կամ որտեղից եք, յուրաքանչյուրն արժանի է իր ողջ ներուժն օգտագործելու հնարավորությանը:
- ԵՄՔԱ Կամավորներ
- Պատանեկան առաջնորդական ակումբներ
- Սրտից - սիրտ
- Երեխաների խնամք
- Մանկապարտեզ
- Երիտասարդական մարզական ծրագրեր
- Մասնագիտական ուսուցման խմբեր
- Ագրո ուսուցում
- Սկաուտներ
- Հյուրասենյակներ
- Ճամբարներ
- Childcare
- Youth Sports Programs
- Camp
- Բասկետբոլի բակային թիմեր
Ինչ է ԵՄՔԱ-ն
ԵՄՔԱ անվանումը հապավում է՝ Երիտասարդ Մարդկանց Քրիստոնեական Ասոցիացիա: Միավորում և օգնում է երիտասարդներին բարի գործ կատարել՝ բարելավելու իրենց, իրենց համայնքները և բարելավելու իրենց աշխարհը:
ԵՄՔԱ-ն աշխարհի ամենահին և ամենամեծ երիտասարդական կազմակերպությունն է: Հիմնադրվել է Լոնդոնում 1844 թվականին: Այն այժմ հասել է տարեկան սպասարկելով ավելի քան 65 միլիոն մարդու 120 երկրներում: ՈՒնի խորը արմատներ համայնքներում, տասնամյակների փորձ, գլոբալ ցանց, ինչը հնարավորություն է տալիս զարգանալ երիտասարդներին և համայնքներին: Այն ունի մոտ 90000 աշխատակից, մոտ 920000 կամավոր և 12000 մասնաճյուղ ամբողջ աշխարհում։
ԵՄՔԱ-ի տեսլականը մի աշխարհ է, որտեղ յուրաքանչյուր մարդ լինելով ստեղծագործ, ապրում է ներդաշնակ ինքն իր և հասարակության հետ:
Նրա առաքելությունն է հզորացնել երիտասարդներին և համայնքներին՝ կառուցելու արդար, կայուն, հավասար իրավունքների ու հնարավորությունների, ներառական աշխարհ, որտեղ յուրաքանչյուր մարդ կարող է զարգանալ մարմնով, մտքով և հոգով:
ԵՄՔԱ-ն Հայաստանում
1883-1923 թվականներին ԵՄՔԱ-ներ գործել են Արևմտյան Հայաստանում, Կիլիկիայում եւ Օսմանյան կայսրության հայաբնակ վայրերում։ Դրանք դադարել են գործել Հայերի և մյուս Քրիստոնյաների նկատմամբ կատարված ցեղասպանության ու բռնաճնշումների արդյունքում նրանց ուղղակի բացակայության պատճառով: ԵՄՔԱ ԱՄՆ կամավորներ աշխատել են 1918-20թ.թ. Գյումրու, Սևանի և Երևանի մանկատներում:
ԵՄՔԱ վերածնունդը Հայաստանում ուղիղ կապ ունի 1988թ-ի Սպիտակի երկրաշարժի հետ: ԵՄՔԱ-ն առաջին օտարերկրյա կազմակերպություններից էր, որը օգնություն է ցուցաբերել երկրաշարժից տուժածներին: Y Care International-ը՝ Անգլիական ԵՄՔԱ բարեգործական կազմակերպությունը, երկրաշարժից հետո մի քանի տարի Հայաստանում իրականացրել է մի շարք մարդասիրական ծրագրեր՝ ներառյալ Ջորջ Բայրոնի անվան թիվ 20 դպրոցի կառուցումը Գյումրիում: Որպես կազմակերպություն սկսվել է Գյումրիում մի խումբ երիտասարդների կամավոր նախաձեռնությւոնով: YCare-ի աջակցությամբ ստեղծվեց Հայկական ԵՄՔԱ գրասենյակը Երևանում: 1994-ից 1996 թվականներին ԵՄՔԱ-ներ կազմավորվեցին նաև Սպիտակում, Վանաձորում, Վարդենիսում և Երևանում: Այս Տեղական ԵՄՔԱ-ների կողմից 1996 թվականին ստեղծվեց ԵՄՔԱ-ների Հայկական Ազգային Միությունը: Բացի տեղերում կատարվող կրթական ու զարգացման ծրագրերից ԵՄՔԱ-ն մեծ աշխատանք է կատարել երկրաշարժի հետևանքների լուծման ու ադրբեջանից տեղահանված փախստականներին կացարանով ապահովելու, ինտեգրվելու ու սոցիալական մի շարք այլ հարցերում:
Հատուկ շնորհակալություն ԱՄՆ-ից Սու, Մարթա և Մարգո Արամյաններին Փամբակում Արամյան ճամբարի և Վանաձորի ԵՄՔԱ-ի շենքերի կառուցմանը աջակցելու և մի շարք ծրագրեր, այդ թվում նաև հետագա Սիրիահայ երիեխաների ճամբարին ֆինանսական օգնություն ցուցաբերելու համար:
2001-ից սկիզբ առած Cevi Zurich և Սպիտակի ԵՄՔԱ գործընկերությունը մեծ ազդեցություն է ունեցել Սպիտակի և նրա հարակից շրջանների հազարավոր երեխաների, երիտասարդների, ընտանիքների համակողմանի զարգացմանը: Այս գործընկերության արդյունքում կառուցվել է ՙՙԱպագայի տուն՚՚ Սպիտակի ԵՄՔԱ կենտրոնը:
2013-ից 2020թ. գործել է Սիրիահայերի ԵՄՔԱ-ն Երևանում:
Հայաստանյան ԵՄՔԱ-ների գործընկերները
